1. Kapitteli
Stiinan Leena mennee kafehaan Maijan Kreetan kans.
Se gjennom tegneserien. Klikk på bildene for å få de opp i full størrelse.
Ruutu 1
Ruutu 2
Ruutu 3
Ruutu 4
Ruutu 5
Ruutu 6
Ruutu 7
Ruutu 8
Ruutu 9
Ruutu 10
Lytt til teksten:
Stiinan Leena mennee kafehaan Maijan Kreetan kans
Se oon kaunis syyspäivä. Stiinan Leena istuu universiteetin kentälä. Siinä oon soma istuut. Aurinko paistaa ja oon lämmin. Leena lukkee kirjaa. Hän ođottaa Maijan Kreettaa. Missä se oon? Oo ja, tuola se jo tullee.
– Hei Leena! sannoo Maijan Kreeta. –Täälähän sie jo oletki. Kunka se mennee?
– No hyvvää päivää, Kreeta! Hyvin se mennee? sannoo Stiinan Leena. – Mutta miksi sie vasta nyt tulet?
– Voi antheeksi! Tulenko mie liijan hiljain? kyssyy Kreeta.
– No ei, et sie liijan hiljain tule, vastaa Stiinan Leena.
– Tässä oon soma istuut. Aurinko paistaa niin lämpimästi. Se oon fiini ilma tääpänä.
– Niin, se oon kaunis ja lämmin aamu, sannoo Kreeta. – Mutta illala se piian sattaa. Niin seissoo kuitenki yr.no:n säätieđotuksessa.
– Ja niin. Se ei ole hyvä. Ilman se ei senthään vielä sađa lunta? Mie toivon, ette tullee pitkä ja lämmin syksy. Mie en tykkää, ette lumi tullee varhain, meinaa Leena. – Mutta ei se yr.no aina tieđä oikhein.
– Ei tieđä. Ushein se tiettää väärin, sannoo Kreeta.
– Mutta mitä sie lujet? Mikä kirja tuo oon? Oonpa se paksu!
– Tämä oon Alf Børsskogin rommaani, sannoo Leena. – Se muistelee kainulaisten ympäri, Pyssyjoven kainulaisten ympäri.
– Kainulaisten ympäri! Vain kainulaisten ympäri! sannoo Kreeta. – Sehän oon jännittäävä! Ja niin paksu kirja. Oonko se kainuksi eli ruijaksi?
Leena ihmettellee. Eikö Kreeta tieđä, ette Alfi kirjoitti kainuksi? Hän vastaa:
–Kainuksi tietenki. Sehän oli kainulainen kirjailiija. Etkö sie sitä muista?
– Nyt muistan hänen ko sie sanot. Sie sitte saatat lukkeet kainuu? kyssyy Kreeta.
– Tietenki mie saatan lukkeet kainuu, vastaa Leena. – Miehän studeeraan kainun kieltä ja kulttuurii.
– Mutta mitä sie meinaat? Istumako tässä vain menemäkö kafehaan? Ilman kafea oon jo auki? Mie halluun kaffii.
– Joo, menemä vain kafehaan, sannoo Kreeta. – Kyllä se jo oon auki. Mieki halluun kaffii. Mulla oon jano. Mutta menemäkö met tuohon ishoon kafehaan vain menemäkö met siihen pienheen kafehaan?
– Menemä pienheen kafehaan, ehđottaa Leena. – Sielä oon soma istuut. Saama praatata.
– Joo, sielä oon soma. Menemä sinne.
Stiinan Leena pannee kirjan pois ja noussee. Het lähđethään kafehaan.
Stiina si Leena går på kafé med Maija si Kreeta
Det er en vakker høstdag. Stiina si Leena sitter på tunet ved universitetet. Der er det fint å sitte. Sola skinner og det er varmt. Leena leser i en bok. Hun venter på Maija si Kreeta. Hvor er hun? Å ja, der kommer hun!
– Hei Leena! sier Maija si Kreeta. – Du er jo allerede her. Hvordan går det?
– God dag, Kreeta! Det går bra, sier Stiina si Leena. – Men hvorfor kommer du først nå?
– Å, unnskyld! Er jeg for sen? spør Kreeta.
– Neida, du er ikke for sen, svarer Stiina si Leena.
– Det er fint å sitte her. Sola skinner så varmt. Det er fint vær i dag.
– Ja, det er en vakker og varm morgen, sier Kreeta. – Men i kveld blir det kanskje regn. Det står det i alle fall i værmeldingen på yr.no.
– Å ja. Det er ikke bra. Det kommer vel ikke snø enda? Jeg håper at høsten blir lang og varm. Jeg liker ikke at snøen kommer tidlig, synes Leena. – Men yr.no har ikke alltid rett.
– Nei, det stemmer. Ofte tar den feil, sier Kreeta.
– Men hva leser du? Hvilken bok er det? Oi, den er jo kjempetjukk!
– Dette er en roman av Alf Nilsen-Børsskog, sier Leena. – Den forteller om kvenene, om kvenene i Børselv.
– Om kvenene! Om kvenene, sier du! sier Kreeta. – Det er jo spennende! Og så tjukk bok. Er den på kvensk eller norsk?
Leena er forundret. Vet ikke Kreeta at Alf skrev på kvensk? Hun svarer:
– På kvensk, selvfølgelig. Han var jo en kvensk forfatter. Husker du ikke det?
– Nå husker jeg ham når du sier det. Du kan altså lese kvensk? spør Kreeta.
– Selvfølgelig kan jeg lese kvensk, svarer Leena. – Jeg studerer jo kvensk språk og kultur.
– Men hva syns du? Skal vi sitte her, eller skal vi gå i kafeen? Den er vel åpen allerede? Jeg har lyst på kaffe.
– Ja, la oss gå til kafeen, sier Kreeta. – Den er nok åpen allerede. Jeg har også lyst på kaffe. Jeg er tørst. Men skal vi gå til den store kafeen der eller skal vi gå til den lille kafeen?
– La oss gå til den lille kafeen, foreslår Leena. – Det er det fint å sitte. Der får vi snakke.
– Ja, der er det fint. La oss gå dit.
Leena legger bort boka og reiser seg. De drar til kafeen.
Dette verk er lisensieret under en Creative Commons Navngivelse-IkkeKommersiell-Ingen bearbeidelser 4.0 Internasjonal lisens.